November 20, 2025 | 12:00am
MANILA, Philippines — Sinakmal ng San Beda University ang top spot sa Group B matapos resbakan ang Emilio Aguinaldo College, 96-82, sa second round ng NCAA Season 101 men’s basketball tournament kahapon sa FilOil Centre, San Juan City.
Bumalikwas ang Red Lions mula sa isang 15-point deficit para iposte ang 9-3 record sa kanilang grupo tampok ang three-game winning streak.
“That’s the first goal of the team, getting the top two spots, one or two in order to get the twice to beat advantage,” sabi ni coach Yuri Escueta.
Nagtuwang sina Bryan Sajonia at Janti Miller sa arangkada ng Mendiola-based team sa fourth quarter para ibagsak ang Generals sa 4-8 card kasama ang ikaapat na dikit na talo.
Tumapos si Sajonia na may 26 points para sa San Beda.
Sa unang laro, inilista ng Arellano University ang ikatlong dikit na panalo sa 74-56 pagdaig sa Lyceum of the Philippines University.
Kumolekta si T-Mc Ongotan ng 24 points, 10 rebounds, 3 assists at 2 blocks para sa 6-6 baraha ng Chiefs sa Group A at palakasin ang pag-asa sa ‘twice-to-beat’ bonus sa quarterfinals.