ATLANTA — Kumamada si Shai Gilgeous-Alexander ng 31 points para sa patuloy na dominasyon ng Oklahoma City Thunder sa Eastern Conference matapos dakmain ang Hawks, 135-119.
Umiskor si Luguentz Dort ng 20 points para pamunuan ang long-range assault ng Oklahoma City (48-11) sa kanyang anim na three-point shots.
Humakot si center Onyeka Okongwu ng 23 points at 13 rebounds para sa Atlanta (27-33).
Nakadikit ang Hawks sa 64-71 sa halftime matapos maiwanan sa 25-45.
Sa likod ni Gilgeous-Alexander ay muling nakawala ang Thunder para sa 91-81 bentahe patungo sa 108-84 kalamangan papasok sa fourth quarter.
Sa Detroit, nagkadena si Nikola Jokic ng triple-double na 23 points, 17 rebounds at 15 assists sa 134-119 paggiba ng Denver Nuggets (39-21) sa Pistons (33-27).
Sa Boston, bumanat si Donovan Mitchell ng 41 points sa 123-116 pagsapaw ng Cleveland Cavaliers (49-10) sa nagdedepensang Celtics (42-18).
Sa Salt Lake City, ipinasok ni Walker Kessler ang dunk sa huling 9.7 segundo sa 117-116 paglusot ng Utah Jazz (15-44) sa Minnesota Timberwolves (32-29).