MANILA, Philippines — Excited na si Creamline team captain Alyssa Valdez na muling makapagsuot ng jersey ng Pilipinas sa international tournament.
Isa ang Cool Smashers sa magiging kinatawan ng bansa sa AVC Women’s Champions League na gaganapin sa Abril 20 hanggang 27 sa Philsports Arena sa Pasig City.
Huling nakapaglaro sa national team si Valdez sa harap ng Pinoy fans noong pang 2019 Southeast Asian Games nang ganapin ito sa parehong venue.
“I think the last time I played for the national team in front of our home crowd was back in the 2019 SEA Games,” ani Valdez.
Naging bahagi naman ito ng national team na sumabak sa 2023 SEA Games sa Phnom Penh, Cambodia.
Matagal-tagal na rin ito kaya’t sabik na si Valdez na muling dalhin ang bandila ng Pilipinas sa international stage.
“So, it’s very exciting, it’s just so nice to fight with our compatriots, so exciting times for Philippine volleyball. This isn’t the only tournament we’re looking forward to. There’s a lot of international tournaments, especially the men’s world championships here, so exciting times for Philippine volleyball,” ani Valdez.
Nakasentro pa ang atensiyon ng Cool Smashers sa PVL All-Filipino Conference kung saan nakapasok na ang kanilang tropa sa quarterfinals.
Ngunit unti-unti nang pinaplano ng coaching staff ng Creamline ang magiging game plan nito para sa AVC Champions League dahil mga bigating teams ang makakasagupa nito.
Maaring magpasok ng tatlong imports ang bawat team sa AVC Champions League.