October 8, 2025 | 12:00am
MANILA, Philippines — Dalawang major international tournaments ang pamamahalaan ng Wushu Federation of the Philippines (WFP) sa 2027 at 2028.
Ang mga ito ay ang bigating World Wushu Championships sa 2027 at ang Asian Wushu Championships sa 2028.
“Magsisimula na kami ng aming mobilization by early next year. So we have to prepare everything to ensure the success of our hosting, kasi napakalaking event nito,” sabi kahapon ni WFP president Freddie Jalasco sa Philippine Sportswriters Association Forum sa conference hall ng Rizal Memorial Sports Complex.
Nakasama ni Jalasco si WFP secretary general Julian Camacho sa naturang weekly session na inihandog ng San Miguel Corporation, Philippine Sports Commission, Philippine Olympic Committee, MILO, Smart/PLDT at 24/7 sports app ArenaPlus.
“Kinausap ako ng Wushu Federation of Asia, sabi nila since mag-host naman kayo ng 2027 World Championships, baka puwede na kayo mag host next year ng Asian Championships. So back-to-back ito. Sabi ko, OK,” wika ni Camacho.