Pinakamalaking weightlifting academy itatayo | Pilipino Star Ngayon


Chris Co — Pilipino Star Ngayon

August 31, 2025 | 12:00am

MANILA, Philippines — Nagsanib-puwersa ang Philippine Sports Commission (PSC) at Department of Education (DepEd) kasama si Olympic gold medalist Hidilyn Diaz-Na­ranjo para sa bubuuing largest weightlifting aca­demy sa bansa.

Inihayag ni DepEd Sec­retary Sonny Angara na may 300 paaralan sa buong bansa na may specialized sports curriculum para  gabayan ang mga student-athletes sa kanilang training at physical development.

Sinabi ni PSC chairman Pato Gregorio na malaki ang bahagi ng weight trai­ning para sa mga atleta. At ang weightlifting ang magsisilbing pundasyon ng programa.

“The core requirement for any sport is weightlifting. But you can’t just donate equipment without  t­eaching student-athletes how to use it properly and avoid injuries. Someone has to teach them the fundamentals,” ani Gregorio.

Kaya naman naki­pag-ugnayan ang PSC at DepEd kay Diaz-Naranjo at sa kanyang HD Weightlif­ting Academy dahil ito ang mas may kaalaman sa ganitong sport.

 Tiniyak naman ni DBM Secretary Amenah Pa­ngandaman ang buong suporta ng gobyerno sa programa.

Naglaan ang DBM ng P180 milyon para sa naturang proyekto.