Pilipino Star Ngayon
September 13, 2025 | 12:00am
Patuloy ang selebrasyon ng global Pinoy pride sa ika-30 anibersaryo ng longest-running musical variety show ng bansa sa ASAP in England Part 2 tampok sina Vice Ganda, Kim Chiu at Paulo Avelino, Donny Pangilinan at Belle Mariano, at BINI ngayong Linggo (Setyembre 14).
Asahan ang isang pasabog na showcase mula kay Vice Ganda kasama ang The Vault Studios, KZ Tandingan, at G-Force, habang pakikiligin naman nina KimPau ang mga manonood sa kanilang matamis na duet.
Kiligin sa performance na hatid ng DonBelle kasama sina Darren Espanto, Edward Barber, at Robi Domingo. Samantala, iinit ang entablado sa hatid na pasabog ng BINI.
Hindi rin magpapahuli ang performances mula sa Kapamilya heartthrobs na sina Joshua Garcia, James Reid, Piolo Pascual, Paulo Avelino, at mga leading men na sina Donny at Joshua, kasama ang Kapamilya icons na sina Gary Valenciano, Martin Nievera, Ogie Alcasid at Erik Santos. Magsasama-sama rin sina Regine Velasquez, Zsa Zsa Padilla, Klarisse de Guzman, Morissette, Angeline Quinto, Yeng Constantino, at Jona para sa kani-kanilang bonggang collaborations.
Dagdag excitement din ang women empowerment prods nina Maymay Entrata, Belle Mariano, Kim Chiu, at G-Force, habang maghahatid ng pangmalakasang performances sina BGYO at Maki. Tampok din ang Eurovision 2025 winner na si JJ Pietsch na kakantahin ang kanyang winning piece na Wasted Love.
Abangan din ang Broadway-inspired tribute sa pangunguna ni Martin Nievera, Morissette, Sofronio Vasquez, Carmelle Collado, Jona, Angelo Paragoso, Erik Santos, at Gary Valenciano kasama ang West End Filipino artists.
Huwag palampasin ang makasaysayang event at manood ng ASAP in England Part 2 ngayong Linggo, Setyembre 14, 12nn sa Kapamilya Channel, Kapamilya Online Live, TV5, A2Z, iWantTFC, at TFC worldwide.