September 17, 2025 | 12:00am
MANILA, Philippines — Ipaparada ng host school University of Sto. Tomas ang kanilang rookies na sina Koji Buenaflor at Collins Akowe sa pagbubukas ng UAAP Season 88 men’s basketball tournament sa darating na Sabado.
Magkalaban sa championship sa high school sina Buenaflor at Akowe pero ngayon ay magkatuwang silang magtataguyod sa UST ngayong season.
Si Buenaflor ay produkto ng España-based squad habang si Akowe ang star center ng NU-Nazareth sa high school.
Sina Carl Manding at Charles Bucsit ay lalaro rin sa UST kaya kasama rin nila si Buenaflor ng harapin nila ang tropa ni Akowe sa finals ng UAAP juniors.
“For me, it’s all love din naman kasi pagdating sa basketball, even though, Finals yun syempre competitive, pero outside that series naman, syempre magkakaibigan din naman kami,” ani Buenaflor sa isang website.
Inakbayan ni Buenaflor ang Tiger Cubs para talunin sa finals ang Bullpups na pinamumunuan ni Akowe.
Dinamdam ni Akowe ang kanilang kabiguan pero handa na siya ngayon sa susunod na level na kanyang lalaruin.
“I don’t know, it’s a mixed feeling. It’s nothing personal. It’s just basketball, we’re just trying to get the job done. So I’d say, it’s nice to be teammates with them,” ani Akowe.