September 24, 2025 | 12:00am
“ANONG nawala?” tanong ni Apol.
“Biglang nawala sa cabinet na lalagyan ko ng mga sapatos at iba.”
“Bakit nawala?”
“Hindi ko alam. Natuklasan kong nawawala nang kukunin ko para gamitin.”
“Sinabi mo sa iyong papa at mama?”
“Oo. Nagtulung-tulong kami sa paghahanap. Pero nahalughog na namin ang buong bahay at pati sa silong—wala talaga!”
“Hindi kaya naiwan mo sa ibang lugar?”
“Hindi.”
“Nakapagtataka naman ang biglang pagkawala.”
“Oo nga. Hindi ko maubos-maisip kung bakit ganun kabilis mawala ang tsinelas.”
“Mula nang mawala ang tsinelas, hindi nagpakita sa iyo ang babaing nagbigay niyon?”
“Hindi na nagpakita ang babae.”
“Isa pang misyeryosa ang babaing ‘yun.”
“Oo nga.”
“Mula nang mawala, hindi ka nagtangkang bumili ng ganung tsinelas?”
“Ibinili ako ni Papa—pero malayung-malayo ang kulay—at saka masakit sa paa.”
“Anong nangyari pagkatapos?”
“Itinigil ko na ang paghahanap. Lumipas pa ang mga taon. Hanggang nakilala kita at dinala mo ang tsinelas na sabi mo’y pag-aari ng dalagita. Pero ang tsinelas na iyon ang matagal ko nang hinahanap. Hindi ako maaring magkamali, Apol.”
Itutuloy