October 16, 2025 | 12:00am
It was only last May 27, 2025 nang lumagda ng joint management contract ang unica hija nina Dingdong Avanzado at Jessa Zaragoza na si Jayda Avanzado (22) sa pagitan ng Viva at ang Universal Music Group pero nito lamang nakaraang Oct. 14, 2025 ay nagkaroon ng cast reveal ang kauna-unahang serye na gagawin niya sa bakuran ng Viva Studio, ang Wattpad series adaptation, ang Project Loki na pamamahalaan ni Xian Lim. Sa nasabing proyekto ay nagsanib puwersa ang Viva Studio, MediaQuest Ventures at Cignal sa pakikipagtulungan ng Webtoon Productions. Ito’y parehong mapapanood sa Viva One at Cignal Play.
?Ito ay tatampukan nina Dylan Menor, Marco Gallo at Jayda who will play the role of Lorelei Rios. Si Dylan ang gaganap bilang si Loki Mendez habang si Marco naman as Luthor Mendez.
?Ang Project Loki ay mula sa sikat na Wattpad series ni AkoSiIbarra na unang sumikat nung 2015 na umabot na ng 92 million reads.
?First time rin ni Xian magdirek ng isang sikat na adaptation series kaya sobra umano siyang excited sa kanyang bagong assignment.
?Para maging komportable ang kanilang working relationship sa set, kinausap lahat ni Xian ang bumubuo ng cast at kung ano ang kanyang ini-expect sa kanila kaya sa simula pa lamang ay relaxed na silang magkakatrabaho.
?Being an actor himself, hindi maramot si Xian na ibahagi sa kanyang young cast ang kanyang advice kaya magaan ang lahat sa set.
Boss Vic, maraming ka-collab sa Korea
?In our recent talk with Viva’s big boss na si Boss Vic del Rosario sa kanyang tanggapan over at Viva, inamin niya na naghahanda ang Viva ng mas marami pang proyekto sa taong 2026 na inaasahan niyang aabot ng about 150 on different platforms. Kasama na rito ang mga pelikula na mapapanood sa mga sinehan (for theatrical release), Viva One, VMX, collab with other TV networks and producers, live concerts (featuring their own stars and talents from Viva Music Group) at iba pang platforms.
?Walang ibang kumpanya ang nakakagawa nito kundi ang Viva lamang.
?Kamailan lamang ay bumiyahe patungong Seoul, Korea si Boss Vic kasama ang dalawa sa kanyang mga anak na sina Vincent del Rosario (president ng Viva Communications) at Valerie del Rosario (president ng Studio Viva) na may kinalaman sa iba’t ibang proyekto in cooperation with their South Korean allies.
?Bukod sa pagkakataon ng ibang Viva artists na maka-collaborate ang K-Pop and South Korean artists, may pagkakataon ding makagawa ng proyekto ng ibang K-Pop artists sa Pilipinas at makasama ang Filipino talents ng Viva.
?“Malawak ang karagatan for us to explore,” pahayag pa ni Boss Vic na tinaguriang ‘business visionary’ dahil sa kanyang malawak na expertise sa iba’t ibang negosyo na halos related lahat.
?On Oct. 26, Boss Vic will celebrate his 80th birthday at nagpapasalamat siya sa Diyos na hanggang ngayon ay patuloy siyang nabibiyayaan ng magandang kalusugan.