November 26, 2025 | 12:00am
MANILA, Philippines — Target ng defending champion Perpetual Junior Altas ang semifinals spot sa pagsagupa sa Letran Squires sa kanilang ‘do-or-die’ quarterfinals match sa NCAA Season 101 juniors basketball tournament sa FilOil EcoOil Centre sa San Juan City.
Maghaharap ang Junior Altas at Squires ngayong alas-5 ng hapon.
Muling aasahan ni Junior Altas coach Joph Cleopas sina Lance Nitura, Louie Rosales, Jim Corpuz, Ezekiel Zamoras, Kurt Velasquez, Hanz Llupar, Jowitski Ignacio, Renzo Zanoria, Lord Dulanas, Jude Binagatan at Kurt Patalinghug.
Nasa isang four-game losing slump ang Junior Altas na hangad ang kanilang back-to-back crown.
Bitbit ng Squires ang ‘twice-to-beat’ advantage sa quarterfinals.
Nauna nang tinakasan ng Junior Altas ang Squires, 70-68, sa elimination round noong Oktubre 14.
Samantala, lalabanan ng Arellano Braves, may hawak na ‘twice-to-beat’ bonus, ang La Salle Greenhills sa alas-9:30 ng umaga.