November 29, 2025 | 12:00am
NAGA CITY, Camarines Sur, Philippines — Isang 18-anyos na babaeng estudyante na hubad ang natagpuang patay sa Isang lugar sa Purok-6, Brgy. Panicuason, Naga City, Camarines Sur kamakalawa ng hapon.
Isinailalim na sa awtopsiya ang bangkay ng biktima na kinilalang si alyas “Rose” dalaga at residente ng naturang barangay.
Sa ulat, dakong ala-1:55 ng hapon nagulantang ang ilang residente nang makita ang isang babaeng nakahandusay na hindi na humihinga.
Ayon sa awtoridad, walang damit pang itaas ang biktima habang bahagyang nakababa ang kanyang suot na pantalon.
Agad rumesponde ang mga pulis at isinugod ang dalaga sa pagamutan pero idineklarang dead-on-arrival.