MANILA, Philippines — Pormal na tinanggap ng mga opisyal ng ARTE Partylist ang pagbibitiw at pag-withdraw ng pangalawang nominado nito bunsod sa personal, propesyonal, negosyo na kadahilanan.
Inihayag ng unang nominee na si Lloyd Peter Lee ng ARTE Partylist ang pag-withdraw ng nominasyon ng 2nd nominee na si Anne Sambillon- Bernardo.
Ipinabatid ni Lloyd Lee sa publiko ang paglalagay ng bagong 2nd nominee sa katauhan ni Cathy S. Bariga, dating secretary general ng organisasyon.
Napag-alaman, na si Bariga ay may malawak na ugnayan sa iba’t ibang people’s organization at artist group na may presensya sa Calabarzon at Bicol Region. Ginanap ang pagtitipon ng mga political leaders ng ARTE Partylist kasabay ng oath-taking nitong Marso 5 sa One San Miguel Bldg, Pasig City.
Ang ARTE Partylist ay nagmungkahi ng ilang pangunahing rekomendasyon sa patakaran, kabilang ang pagtatatag ng isang pambansang konseho ng sining upang i-streamline ang pagpopondo at pagsuporta sa mga programa para sa mga artista. Nagsusulong din sila para sa mas malakas na proteksyon sa mga karapatan sa intelektwal na ari-arian upang maiwasan ang pandarambong at matiyak ang patas na kabayaran para sa trabaho ng mga artista.
Higit pa rito, nanawagan sila para sa paglikha ng mas madaling magagamit na mga programa sa pagsasanay at pagpapaunlad upang mapahusay ang mga kasanayan at kakayahan ng mga artistang Pilipino.