LOS ANGELES — Humakot si Luka Doncic ng 39 points, 8 rebounds at 7 assists sa 140-109 paglampaso ng Lakers sa Houston Rockets (52-29) para angkinin ang No. 3 seed sa Western Conference playoffs.
Nagdagdag si Austin Reaves ng 23 points para sa Los Angeles (50-31) na sinikwat din ang Pacific Division title sa ikalawang pagkakataon sa huling 13 seasons.
Umiskor si LeBron James ng 14 points bago inilabas sa huling 19 minuto ng laro.
Bumira si Cam Whitmore ng career-high 34 points at may pitong marka si Fil-Am Jalen Green para sa Houston (52-29) na ipinahinga sina Alperen Sengun, Dillon Brooks, Fred VanVleet, Amen Thompson, Jabari Smith Jr., Tari Eason at Jae’Sean Tate.
Nauna nang ibinulsa ng Rockets ang No. 2 seed sa West.
Sa Detroit, nagkadena si Giannis Antetokounmpo ng triple-double na 32 points, 15 assists at 11 rebounds sa 125-119 pagsuwag ng Milwaukee Bucks (47-34) sa Pistons (44-37) at kunin ang No. 5 seed sa Eastern Conference playoffs.
Sa Philadelphia, kumonekta si Trae Young ng anim na triples at tumapos na may 36 points at 11 assists sa 124-110 pagdagit ng Atlanta Hawks (39-42) sa 76ers (24-57) para makakuha ng Eastern Conference play-in spot.