MANILA, Philippines — Magiging abala ang Alas Pilipinas sa mga susunod na buwan para paghandaan ang pagsabak nito sa FIVB Men’s World Championships.
Sasabak ang Pinoy spikers sa Asian Volleyball Confederation (AVC) Men’s Nations Cup na idaraos sa Bahrain sa Hunyo 17 hanggang 24.
Pasok ang Alas Men sa Pool B kasama ang Qatar, Australia at Kazakhstan.
Masisilayan naman sa Pool A ang Bahrain, Indonesia at Thailand habang nasa Pool C ang South Korea, Vietnam at New Zealand Pool C.
Bago ang AVC Men’s Nations Cup, idaraos muna ng Philippine National Volleyball Federation (PNVF) ang Alas Pilipinas Invitationals bilang preparasyon para sa 2025 FIVB Men’s World Championship na gaganapin sa Setyembre.
Ang Alas Pilipinas Invitationals ay lalaruin sa Hunyo 10 hanggang 12 sa Smart Araneta Coliseum.
“It was a remarkable draw for the AVC’s competitions, and we’re incredibly happy to announce that volleyball is very much alive in Asia. We’re aiming for excellent quality of the competitions,” ani AVC at PNVF president Ramon “Tats” Suzara.
Lalarga naman ang Alas Women sa AVC Women’s Cup sa Hunyo 7 hanggang 14 sa Hanoi, Vietnam.
Nasa Pool B ang Alas Women kasama ang Iran, Indonesia, Mongolia at New Zealand habang pasok sa Pool A ang host Vietnam, Australia, Chinese-Taipei at Hong Kong.