MANILA, Philippines — Gumaganda ang laro ng Alas Pilipinas patungo sa pagsabak sa FIVB Volleyball Men’s World Championship sa pagbibida ng mga rising stars sa Southeast Asian V.League.
Binanderahan nina Eco Adajar at Leo Ordiales ang 25-17, 25-23, 25-19 paggupo ng mga Pinoy spikers sa Vietnam noong Miyerkules sa Candon City Arena sa Ilocos Sur.
“It’s the same game plan, whoever is called,” ani Adajar. “There was not much adjustment for us, especially since I have been working closely with Leo in training.”
Ipinakita ng 23-anyos na si Adajar ang kanyang husay sa panalo ng Alas Pilipinas bilang kapalit ni first-choice setter Owa Retamar na nagkasakit.
Si Ordiales ang naging first scoring option dahil sa pagkawala ni veteran Marck Espejo bunga ng ankle sprain, habang dumalo si Louie Ramirez sa kanyang graduation ceremony sa University of Perpetual Help.
Pinaghahandaan ng Nationals ang FIVB Volleyball Men’s World Championship Philippines 2025 na ang tiket ay mabibili sa official website https://www.philippineswch2025.com/.
Bumalik na sa lineup si Ramirez kahapon sa kanilang pagsagupa sa Thailand.
Nasa tropa na rin si Retamar sa kanilang laban ng double gold medalist.
Tumipa si Ordiales ng 20 points, habang may 16 at 9 markers sina Buds Buddin at Jade Disquitado, ayon sa pagkakasunod.
Binanderahan ni Nguyen Ngoc Thuan ang Vietnam sa kanyang 13 points sa torneong suportado ng PNVF official partners PLDT, Mwell, Meralco, ?Rebisco, Akari at Nuvali, PNVF official suppliers Asics, Senoh and ?Mikasa, official television partner Cignal at ng Philippine Sports Commission, ?Philippine Olympic Committee at City of Candon.