MANILA, Philippines — Puntirya ng Alas Pilipinas ang ikalawang panalo sa tatlong laro sa pagsagupa sa Cambodia sa first leg ng 5th Southeast Asian Volleyball League sa Candon City Arena sa Ilocos Sur.
Bubuhayin ng mga Pinoy spikers ang tsansa sa podium finish sa bitbit na 1-1 record sa torneo at aasa sa nagbabalik na si first-choice setter Owa Retamar.
Nagkasakit si Retamar at hindi nakalaro sa straight sets win ng Alas Pilipinas sa Vietnam noong Miyerkules.
Noong Huwebes ay natalo sila sa Thailand.
Sa likod ni setter Echo Adajar ay tinalo ng mga Pinoy hitters ang mga Vietnamese, 25-17, 25-23, 25-19, bago minalas sa mga Thais, 16-25, 22-25, 24-26, sa torneong itinataguyod ng PNVF official partners PLDT, Mwell, Meralco, ?Rebisco, Akari at Nuvali, PNVF official suppliers Asics, Senoh at ?Mikasa, official television partner Cignal at suportado ng Philippine Sports Commission, ?Philippine Olympic Committee at City of Candon.
“Throughout ng laro parehas lang naman, parehas nakaka-score, parehas nag-e-error. So pagdating lang talaga sa mga crucial nagkakatalo,” sabi ng 23-anyos na si Retamar.
Sasalang din sa aksyon si Louie Ramirez matapos dumalo sa graduation ceremony sa University of Perpetual Help.
Hangad naman ng Cambodia na makabangon mula sa kabiguan sa Vietnam.