MANILA, Philippines — Babanderahan nina Fil-Ams Brooke Van Sickle at MJ Phillips ang kampanya ng Alas Pilipinas sa 2025 VTV International Women’s Volleyball Cup sa Vinh Phuc, Vietnam.
Nakatakda ang hatawan ng mga Pinay spikers at Thai hitters ngayong alas-8 ng gabi.
Ito ang unang pagkakataon na isusuot nina Van Sickle, ang two-time PVL Most Valuable Player, at Phillips ng Petro Gazz ang Alas Pilipinas jersey.
Kasama ng Pilipinas sa Pool A ang Vietnam, Sichuan Wuliangchun ng China at Australia, habang nasa Pool B ang Vietnam Under-21 team, Est Cola ng Thailand, Korabelka ng Russia at Chinese Taipei.
Matapos ang mga Vietnamese ay sunod na lalabanan ng Nationals ang Sichuan Wuliangchun bukas ng alas-5:30 ng hapon at ang Australia sa Martes sa alas-3 ng hapon.
Ipinahinga ni Brazilian coach Jorge Souza de Brito sina collegiate stars Angel Canino, Bella Belen, Alyssa Solomon at Shaina Nitura na nakatulong sa makasaysayang silver medal finish ng Alas Pilipinas sa nakaraang 2025 AVC Women’s Volleyball Nations Cup sa Hanoi, Vietnam.