October 15, 2025 | 12:00am
Alam mo, Salve A., if there is one Kapamilya star na nakakabilib sa pagiging super loyal sa kanyang home studio, ang ABS-CBN, walang iba ‘yun kundi ang actress na si Angelica Panganiban who’s been with the Kapamilya studio for the last 32 years since she inked a contract with the former giant TV network in 1992.
?Maraming challenges ang pinagdaanan ang ABS-CBN na ang pinakamatindi ay ang pagkawala ng kanilang prangkisa nung May 5, 2020 pero kahit kailan ay hindi nakuwestiyon ang loyalty at sinseridad ni Angelica.?Marami na ring pagsubok ang pinagdaanan ni Angelica na may kinalaman sa kanyang personal na buhay at karera pero hindi ito nag-entertain ng idea na mag-over da bakod tulad ng ginawa ng iba niyang dating mga kasamahan sa Kapamilya studio.
?Turning 39 sa darating na Nov. 4, nagbabalik si Angelica sa pamamagitan ng kanyang reunion movie with Zanjoe Marudo, ang 2025 Metro Manila Film Festival entry, ang legal drama na UnMarry, her comeback film since her last movie nung 2021, ang Love or Money na pinagtambalan nila ng Primetime King na si Coco Martin na co-production ng Star Cinema at CCM Film Productions. Huling TV series naman niya ang Walang Hanggang Paalam na pinagtambalan nila ni Zanjoe Marudo na nagtapos nung 2021.
?Bukas na aklat ang buhay ng actress who met her biological father na isang American retired U.S. Navy serviceman na si Mark Charlson nung siya’y 24 years old na habang ang kanyang biological mother ay sumakabilang-buhay sa Singapore in 2008.
Ang kinagisnan niyang pamilya ay ang adoptive Panganiban family. Ang farm ng actress sa Tanauan, Batangas ay ipinangalan niya sa kanyang adoptive mother na si Annabelle ‘Ebela’ Panganiban na sumakabilang-buhay nung Aug. 20, 2024 sa edad na 61.
?Bago nakilala ni Angelica ang kanyang husband, ang Fil-Australian businessman na si Gregg Homan, she was in a long relationship before sa mga actor na sina Carlo Aquino, Derek Ramsay at John Lloyd Cruz. Na-link din siya noon sa isang non-showbiz guy na si JB Magsaysay.
?Kahit two years old pa lamang ang daughter ng mag-asawang Gregg at Angelica na si Bean, nakakitaan na ito ng kakaibang ganda, pagiging bibo at may pagka-showbiz. Hindi siya takot sa tao at sanay sa kamera.
?Parehong hands-on parents sina Gregg at Angelica sa kanilang anak na minana ang magandang features ng kanyang parents. Ang ama ni Bean na si Gregg ay 50% Australian at 50% American naman ang kanyang inang si Angelica.