Bersamina, Frayna nagsulong ng panalo sa ASEAN chessfest


Elech Dawa — Pilipino Star Ngayon

November 7, 2025 | 12:00am

MANILA, Philippines — Tumulak ng magkahi­walay na panalo sina Inter­national Master Paolo Bersamina at WGM Janelle Mae Frayna sa fifth round ng 6th ASEAN Individual Chess Championships-Gov. Henry Oaminal Cup sa Misamis Occidental Re­sort and Aquamarine Park sa Ozamiz.

Pinagulong ni Bersa­mi­na si Vietnamese FM Dinh Nho Kiet sa 25 moves ng Sicilian Defense upang ma­kisalo sa No. 3 kasama ang mga kababayang sina IMs Kim Steven Yap, Christian Gian Karlo Arca at Jan Emmanuel Garcia na may tig-3.5 points.

Kasalo rin nina Bersamina, Yap, Arca at Garcia sina GM Tuan Minh Tran at IM Tran Gia Phuc Pham ng Vietnam.

Sa women’s division, ki­naldag ni Frayna si Mongolian WFM Batpelden Buyankhishig sa Round 5 upang sumalo sa three-way tie sa No. 2 spot.

Inirehistro ng Bicolana chesser ang apat na puntos matapos ang 38 moves ng Reti opening kapareho ng iskor nina Vietna­mese WGMs Thi Mai Hung Ngu­­yen at Thi Bao Tram Ho­ang.

Mag-isa sa tuktok si IM Evgenija Ovod ng FIDE tangan ang 4.5 points. ma­tapos kalusin si Vietna­mese WGM Thi Thanh An Nguyen sa 42 sulungan ng Caro-Kann Defense.