November 14, 2025 | 12:00am
“Di ba sabi ni Tandang Santo, may nakaabang na suwerte sa ating dalawa,” sabi ni Apol na nakangiti. “Kaya palagay ko, may nakabaon sa aking bakuran.”
Humagikgik si Guava.
“Paano naman nag-come up sa mind mo na may kayamanan sa bakuran mo?”
“Kasi, nga dahil dun sa spot na pinag-iwanan sa tsinelas.”
“Ano ang tungkol dun?”
“Bakit sa dinami-rami na maaring pag-iwanan sa tsinelas ay dun pa sa malapit sa puno ng bayabas.”
“E di ba umakyat nga ang dalagita sa puno ng bayabas, siyempre iiwan niya ang tsinelas sa ilalim ng puno.”
“Oo nga pero yung posisyon ng mga tsinelas ay hindi basta iniwan—parang may pinahihiwatig ang pagkakaiwan ng mga iyon.”
“Anong ayos ng mga tsinelas?”
“Magka-ekis—talagang maayos ang pagkakapatong.”
“Ano kaya yun?”
“Baka naroon ang Yamashita treasure.”
Napangiti si Guava.
“Hukayin natin.”
“Seryoso ka Guava?”
(Itutuloy)