MANILA, Philippines — Mula sa Capital1 Solar Energy ay lumipat si Des Clemente-De Guzman sa Farm Fresh para sa 2025 2025 Premier Volleyball League (PVL) Reinforced Conference na hahataw sa Setyembre.
“You’ve probably seen her in some of the Foxies’ IG stories but today we make it official: Welcome to the Farm Fresh family, Des Clemente De Guzman!” pahayag ng Foxies sa kanilang social media post kahapon.
Impresibo ang ipinakita ng 30-anyos na si Clemente-De Guzman sa nakaraang 2024 PVL Reinforced Conference kung saan niya nakamit ang Second Best Middle Blocker award.
Sa kanyang paglipat sa Farm Fresh ay makakasama ng veteran middle blocker sina Fil-Am setter Alohi Robins-Hardy at outside hitter Ann Monares na nahugot sa nakaraang 2025 PVL Rookie Draft.
“Exciting times ahead as our frontline becomes a little taller with you and Alohi,” pahayag ng Foxies kay Clemente-De Guzman na gigiyahan din ni Italian head coach Alessandro Lodi.
Makakatuwang ni Clemente-De Guzman sa gitna sina Rizza Cruz at Lorene Toring.