Pilipino Star Ngayon
November 25, 2025 | 12:00am
SALT LAKE CITY — Nagkuwintas si Luka Doncic ng 33 points at 11 rebounds at may 17 markers si LeBron James sa kanyang unang road game sa season sa 108-106 paglusot ng Los Angeles Lakers sa Utah Jazz.
Tumipa rin si James ng walong assists at anim na rebounds para sa muling pagdaig ng Lakers (12-4) sa Jazz (5-11) ngayong season.
Nag-ambag si Austin Reaves ng 22 points kasunod ang 13 markers ni Rui Hachimura para sa ikaapat na sunod na ratsada ng Los Angeles.
Binanderahan ni Keyonte George ang Utah sa kanyang 27 points habang iniskor ni Lauri Markkanen ang 12 sa kanyang 20 points sa fourth quarter kung saan sila nakadikit sa 106-107.
Matapos ang free throw ni Doncic para sa 108-106 abante ng Lakers ay mintis naman ang jumper ni George sa huling posesyon ng Jazz.
Sa iba pang laro, nagttagumpay ang nagdedepensang Oklahoma City Thunder sa Portland Trail Blazers, 122-95; sinunog ng Phoenix Suns ang San Antonio Spurs, 111-102; dinaig ng Cleveland Cavaliers ang LA Clippers, 120-105 at panalo ang Boston Celtics sa Orlando Magic, 138-129.