MANILA, Philippines — Bumanat si Trisha Tubu ng 22 points mula sa 16 attacks, 3 blocks at 3 services aces para akayin ang Farm Fresh sa 23-25, 25-19, 25-23, 26-24 pagdaig sa Choco Mucho sa 2025 Premier Volleyball League (PVL) on Tour kahapon sa Capital Arena sa Ilagan City, Isabela.
Nag-ambag si Jolina dela Cruz ng 16 markers habang may 10 points si Caitlyn Viray at may 22 excellent sets si Fil-Am setter Alohi Robins-Hardy para sa 1-1 record ng Foxies sa Pool A.
“It’s a good performance. We’re growing, we’re learning a lot but we know we have a long way to go, and so every step of the process is important,” wika ni Italian coach Alessandro Lodi.
Hindi muna ginamit ni Lodi ang mga bagong hugot na sina Ces Molina at Riri Meneses.
“The first priority is to get them in shape, keeping their health. So we will not see them in the court for a while, we’ll give them time,” ani Lodi kina Molina at Meneses.
Laglag ang Flying Titans sa ikalawang sunod na talo para sa 1-2 baraha.
Pumalo si Isa Molde ng 13 points kasunod ang 10 markers ni Des Cheng para sa Choco Mucho na kinuha ang first set, 25-23.
Matapos itabla ni Villegas ang Choco Mucho sa 24-24 sa last frame, ay umiskor si Viray kasunod ang blangka ni Tubu kay Mean Mendrez para selyuhan ang panalo ng Farm Fresh.