NAGTAKA si Hiyasmin sa iniabot na kahita ni Tita Mary.
“Ano ito, Tita?”
“Buksan mo.”
Excited na binuksan ni Hiyasmin ang kahita. Isang mamahaling gintong kuwintas na may palawit na krus ang nakita niya.
“Ang ganda, Tita!”
“Regalo ko sa iyo ‘yan. Ang mama mo kasi, may pamanang singsing ang iyong papa. Naisip ko, regaluhan ka rin.”
“Salamat Tita. Napakabait mo.”
“Ingatan mo ‘yan. Malaking halaga ‘yan.”
“Opo Tita, iingatan ko ito.”
“Lagi mong isuot lalo kapag magsisimba kayo ni Dax.”
“Opo Tita.”
“Siyanga pala, nabanggit sa akin ni Mama mo na buntis ka na raw.”
“Opo Tita.”
“Girl o boy?”
“Hindi pa namin alam ang gender, Tita.”
“Kung babae yan, puwede bang Rashida ang ipangalan ninyo ni Dax. Kung puwede lang naman.”
“Masusunod Tita. Gusto ko ang pangalang Rashida—hango sa name ni Papa.”
(Itutuloy)