Ika-3 dikit misyon ng San Beda sa JRU


Russell Cadayona — Pilipino Star Ngayon

October 10, 2025 | 12:00am

MANILA, Philippines — Sasakmalin ng San Be­da University ang ikatlong sunod na panalo sa Group B ng NCAA Season 101 men’s bas­ketball tournament.

Makakatapat ng Red Lions ang Jose Rizal Heavy Bombers ngayong alas-2:30 ng hapon matapos ang upakan ng San Sebas­tian Stags at Lyceum Pirates sa alas-12 ng tanghali sa MOA Arena sa Pasay City.

Nangunguna ang Uni­ver­sity of Perpetual Help System DALTA sa Group A bitbit ang 3-0 kartada kasunod ang Mapua (2-1), Arellano (1-1), San Se­bastian (0-2) at Lyceum (0-2).

Nasa tuktok naman ng Group B ang San Beda ha­wak ang 2-0 baraha sa itaas ng Season 100 run­ner-up St. Benilde (2-1), Emilio Aguinaldo College (1-1), Jose Rizal (1-1) at Letran (0-3).

Huling biniktima ng Red Lions ang Knights, 68-58, tampok ang 22 points ni Fil-Am Janti Miller.

“Matagal pa itong season na ito, maaga pa,” sabi ni coach Yuri Escueta.

Nakalasap naman ang Heavy Bombers ng 65-68 ka­biguan sa Generals sa huli nilang laro.