Ang saya-saya nung video na ipinost ni Ryan Agoncillo na napapanood ang pagbe-bake ng tinapay ng misis niyang si Judy Ann Santos. “Try and try lang honey,” aniya sa caption nito.
Mapapanood nga ang tinapay na binake niya na kasing tigas ng kahoy
Kaya naman gino-goodtime si Juday ang mister “maganda naman ‘yung rainy day experiment mo. Natuto ka nang mag-bake ng…”
“Kahoy!” dugtong niya sabay-tawa.
Kahit ang anak nilang si Luna ay hindi ito nakagat.
Kaya naman laugh trip talaga sila.
“So, darating tayo diyan. Let’s be patient, okay lang ‘yan,” sabi ulit ni Ryan na kahit ihampas ang tinapay ay parang walang epekto dahil nga sa sobrang tigas niya.
Hahaha.
Tsapa docu… lilinawin ang kuwento ni marantan
Sa isang panahon kung saan patuloy na nagbabago ang pananaw ng publiko sa pagpapatupad ng batas, isang bagong pelikula ang naglalayong bawiin ang kumbaga ay imahe ng mga nasa likod ng mga sumumpang poprotektahan ang ating bayan.
Inaanyayahan ni Philippine National Police (PNP) Chief General Nicolas Torre ang publiko na panoorin ang Sa Likod ng Tsapa, isang nakagigimbal na dokumentaryo na nag-aalok ng hindi matitinag na pagtingin sa mga katotohanan sa likod ng tsapa. Sa pamamagitan daw ng storytelling at real-life account, ang pelikula ay nangangako na gagawing ‘tao’ ang mga may suot ng uniporme at bibigyang pansin ang mga kumplikadong mga kuwento sa pagpupulis sa Pilipinas.
“Ang pelikulang ito ay sumasalamin sa disiplina, kahusayan, at walang humpay na pangako ng ating mga pulis na pangalagaan ang buhay at itaguyod ang kapayapaan at kaayusan,” sabi ni Heneral Torre.
Higit pa aniya sa isang pelikula, naniniwala siya na ito ay isang pagkakataon upang maunawaan ang puwersa ng pulisya na lampas sa mga kontrobersya nito.
Ang nasabing docu movie ay sumusunod daw sa anim na pangunahing operasyong isinagawa ng PNP, na marami sa mga ito ay aprubado ng Office of the President.
Ang mga misyong ito, na kadalasang may mataas na pagtaya kumbaga at nagbabanta sa buhay, ay nagsisilbing window sa mga madiskarteng opisyal ng military.
Kabilang sa dokumentaryo ang kuwento ni Police Colonel Hansel Marantan na nakilala dahil sa kanyang posisyon bilang hepe ng Davao City Police Office (DCPO).
Maalalang nakulong siya ng limang taon. Kaugnay ito sa insidente sa Atimonan rubout. Tumindig din siya kay Apollo Quiboloy.
Noong 2023, habang nagsisilbi siya bilang hepe ng Criminal Investigation and Detection Group (CIDG), naglabas din siya ng search warrants kay Rep. Arnulfo Teves.
Kabilang ito sa anim na kuwento na tatalakayin sa nasabing dokumentaryo.
Anyway, ang pelikula din daw ay nag-aalok ng isang nuanced na larawan ng karanasan ng pulisya: ang mga tagumpay, ang trauma na dinala sa pag-iisa, at ang hindi natitinag na pakiramdam ng tungkulin sa harap ng kahirapan.
Nilalayon ng Sa Likod ng Tsapa na magsimula ng mahahalagang pag-uusap—tungkol sa katarungan, pananagutan, at madalas na hindi napapansing bahagi ng pagpapatupad ng batas ng tao.
Dagdag pa nila, ito ay isang pelikula na humahamon sa mga manonood na tingnan ang uniporme at pakinggan ang mga boses sa likod nito.
Ito ay isinulat at idinirek ng dating mamamahayag na si Editha Z. Caduaya.
Si Marantan ay kasalukuyang Acting Director ng Police Peace Development Center (PPDC).
Magkakaroon ito Premiere Night ay sa Agosto 8 (Biyernes) sa SM Megamall, regular showing sa Agosto 13.