OKLAHOMA CITY — Hindi nagdalawang-isip si Tyrese Haliburton nang hingin niya ang bola sa krusyal na huling tatlong segundo ng laro.
Ito na kasi ang ginagawa ng Indiana Pacers star — lalo sa 2025 playoffs.
Ipinasok ni Haliburton ang isang 21-foot pull-up jumper sa huling 0.3 segundo para sa 111-110 pag-eskapo ng Pacers sa Thunder sa Game 1 ng NBA Finals.
Ito ang ikaapat na big-time shot ni Haliburton sa playoffs ngayong season.
“Ultimate confidence in himself,” ani Indiana center Myles Turner kay Haliburton. “Some players will say they have it, but there are other players that show it. … He wants to be the one to hit that shot. He doesn’t shy away from that moment.”
Bumangon ang grupo ni Hlaiburton mula sa isang 15-point deficit sa 9:42 minuto ng fourth quater para kunin ang 1-0 lead sa kanilang best-of-seven championship series ng Oklahoma City.
“We’re a resilient group and we don’t give up till the clock hits zero. We do a great job of just staying in the moment. Try to get from 15 to 10 (down), 10 to 5, 5 to 0. We just walk teams down. Real proud of this group,” sabi ni Haliburton na tumapos na may 14 points.
Pinamunuan ni Pascal Siakam ang Pacers sa kanyang 19 points, habang may 17, 15 at 14 markers sina Obi Toppin, Turner at Andrew Nembhard, ayon sa pagkakasunod.
Si Nembhard ang dumepensa kay NBA MVP Shai Gilgeous-Alexander na nagresulta sa sablay na jumper nito kasunod ang game-winning basket naman ni Haliburton.
Bumira si Gilgeous-Alexander ng 38 points para sa Thunder.
“The series isn’t first to one, it’s first to four,” wika ni Gilgeous-Alexander. “So we have four more games to get. They have three, and that’s just where we are.”
Inaasahang babawi ang OKC sa Game 2 sa Lunes para makatabla sa Indiana.