Matapos lusutan ang Lady Tamaraws sa final four
MANILA, Philippines — Nakaiwas sa ‘do-or-die’ Game Two ang defending champion National University matapos nilang lapain ang mahirap na 20-25, 22-25, 25-23, 25-14, 17-15 panalo kontra sa Far Eastern University sa Final Four ng UAAP Season 87 women’s volleyball tournament kahapon sa Smart Araneta Coliseum.
Hinataw ni reigning two-time Most Valuable Player Bella Belen ang huling puntos para sa Lady Bulldogs na muling sasampa sa pang-apat na sunod na finals stint.
Nagtulungan sina Gerzel Mary Petallo at Jazlyn Ann Ellarina upang makauna ang Lady Tamaraws sa first at second set at namurong makahirit ng ‘rubber match’ Game Two.
Lumabas ang bangis ng NU upang sakmalin ang panalo sa tatlong natitirang sets nang mag-init ang opensa nila Belen at Alyssa Solomon.
Masaklap ang pagkatalo ng fourth-ranked na FEU.
Tumikada si Belen ng 24 points para sa Lady Bulldogs, habang bumira si Solomon ng 21 markers mula sa 18 attacks, dalawang service aces at isang block.
May 18 points si Evangeline Alinsug at walong marka ang ambag ni Alexa Nichole Mata.
Umiskor si Faida Bakanke ng 15 points kasama ang 11 kills at apat na blocks para sa FEU.