Pilipino Star Ngayon
November 18, 2025 | 5:42pm
MANILA, Philippines — Pumalo si dating national champion Bong Lopez ng isang one-under par 71 para sa 79 at tanghaling overall champion sa 4th Philippine Sportswriters Association (PSA) Cup golf invitational sa Manila Southwoods’ Legends course.
Wagi ang swing coach ng mga top players sa bansa via countback laban kay SSL president Ian Laurel sa annual tournament na idinaraos para mapatibay ang samahan ng mga sportswriters at officials.
Tinalo naman ni Musong Castillo ng Inquirer si Dodo Catacutan ng Spin.ph via countback para sa Class A title mula sa magkatulad nilang 72s.
Pumangatlo si dating Bulletin sports editor Ding Marcelo sa kanyang pinalong 74 sa 18-hole tournament na sinuportahan ng Philippine Sports Commission, Premier Volleyball League at ni dating Filipinas team manager Jeff Cheng bilang major sponsors.
Sa Class B, dinaig ni Bulletin sports editor Ramon Bonilla si Rocky Nazareno ng Bulletin via countback sa kanyang hinataw na 80, habang tumersera si Philippine Star sports editor Nelson Beltran.
Pinantayan ni Laurel ang 71 ni Lopez para tumapos na may 82 at angkinin ang Friends Division title via countback kay Marvin Gonzales (85) ng Polylite kasunod si dating Philippine Football Federation (PFF) president Nonong Araneta.
Tumayong special guest si Lito Tacujan, ang dating Star sports editor at kinilalang “father of PSA media golf”.
Idinaos sa Manila Southwoods sa ikaapat na pagkakataon, ang event ay sinuportahan din ng Philippine Amateur Track and Field Association (Patafa), Polylite, San Miguel Corp., Al Panlilio, Athletic Events Sports Managements (Aces) Inc. Nonong Araneta, ITCSI, Bong Lopez, Virgil Villavicencio, PBA, Best Center, BingoPlus, Pin High Golf at MacBeth.