Mini reunion ng mga dating DLSU players sa PVL Finals


Russell Cadayona — Pilipino Star Ngayon

August 16, 2025 | 12:00am

MANILA, Philippines — Pagkakataon na ng PLDT para makamit ang ka­­­nilang kauna-unahang ko­rona sa Premier Volleyball League (PVL).

At tampok sa one-game championship ng High Speed Hitters at Chery Tig­go Crossovers sa 2025 PVL on Tour ang mini reu­nion ng kanilang mga da­ting De La Salle University La­dy Spikers stars.

Naglalaro sa PLDT sina Kim Kianna Dy, Kim Fajar­do, Majoy Baron at Mika Re­yes, habang nasa Chery Tiggo sina Ara Galang at Aby Maraño.

“It’s weird seeing them on the other side of the court, but you know, everything happens for a reason. I guess we were really meant to go our separate ways,” sabi ng 27-anyos na si Dy. “Ngayon, it’s gonna be nice to play against them.”

Naging teammates din sina Maraño, Galang, Ba­ron, Fajardo at Dy sa huling pagrereyna ng F2 Logistics’ sa Philippine Superliga (PSL) noong 2019.

Magkakasama rin sila sa Cargo Movers final roster sa PVL.

“Mini reunion pero sa Sunday, hindi muna kami friends,” wika ni Dy.

Paglalabanan ng High Speed Hitters at Crossovers ang PVL on Tour gold medal bukas sa MOA Arena sa Pasay City.

Sinibak ng PLDT ang 10-time champions Creamline, 27-25, 22-25, 19-25, 25-16, 15-10, sa kanilang knockout semifinals match.

Pinatalsik ng Chery Tiggo ang Cignal HD, 25-17, 16-25, 25-21, 25-23, sa isa pang semis game.

Hangad ng High Speed Hitters ang una nilang PVL title at target ng Crossovers ang ikalawang koro­na matapos magreyna no­ong 2021 Open Conf.