NEW YORK — Matapos maghari sa nakaraang NBA Finals ay ang 3rd NBA Cup naman ang pupuntiryahin ni Shai Gilgeous-Alexander at ng Thunder.
Nakatakda ang ikatlong edisyon ng torneong inangkin ni Giannis Antetokounmpo at ng Milwaukee Bucks noong nakaraang taon sa Oktubre 31 hanggang Nobyembre 28.
Ang semifinals at championship game ay gagawin sa Las Vegas, Nevada sa Disyembre 13 at 16, ayon sa pagkakasunod.
Kasama ng Bucks, hangad maging unang back-to-back NBA Cup champions sa tulong ni Myles Turner, sa East Group C ang reigning East finalists New York Knicks, Miami Heat, Chicago Bulls at Charlotte Hornets.
Tinalo ng Milwaukee ang Oklahoma City sa championship game.
Ang Thunder ay kabilang sa West Group A kasama ang Minnesota Timberwolves, Sacramento Kings, Phoenix Suns at Utah Jazz.
Ang East Group A ay binubuo ng Cleveland Cavaliers, Indiana Pacers, Atlanta Hawks, Toronto Raptors at Washington Wizards, habang nasa East Group B ang Boston Celtics, Detroit Pistons, Orlando Magic, Brooklyn Nets at Philadelphia 76ers.
Nasa West Group B ang Los Angeles Lakers, LA Clippers, Memphis Grizzlies, Dallas Mavericks at New Orleans Pelicans at kabilang sa West Group C ang Houston Rockets, Denver Nuggets, Golden State Warriors, Portland Trail Blazers at San Antonio Spurs.