MANILA, Philippines — Iniluklok si Philippine Daily Inquirer sports editor Francis T. J. Ochoa bilang bagong presidente ng Philippine Sportswriters Association (PSA), ang pinakamatandang media organization sa bansa.
Papalitan ni Ochoa si Philippine Star sports editor Nelson Beltran na nagtaas sa estado ng PSA.
Si Rappler sports editor Jasmine W. Payo ang vice president, habang tinapik si Manila Bulletin sports editor Ramon Bonilla bilang secretary general.
Ang iba pang opisyal na magsisilbi ng kanilang mga two-year terms ay sina Gerry Ramos (treasurer) ng Spin.PH, Ramil Cruz (auditor) ng Abante Tonite at Emil Noguera (assistant secretary) ng Manila Times.
Makakasama ni Beltran bilang chairman sa PSA Board sina sports editors Dodo Catacutan (Spin.PH), Rey Lachica (Tempo), Jun Lomibao (Business Mirror), Riera Mallari (Manila Standard), Jimmy Cantor (Malaya), Celest Flores-Colina (Inquirer.net), Dino Maragay (PhilStar.com), Julius Manicad (Daily Tribune), Ed Andaya (People’s Tonight), Ferds delos Santos (Abante) at Beth Repizo (Pilipino Star Ngayon) at assistant sports editors Musong R. Castillo (Philippine Daily Inquirer) at Abac Cordero (Philippine Star).