MANILA, Philippines — Sa batang edad na 18-anyos ay pumanaw si Gilas Pilipinas women’s youth standout Ashlyn Abong kahapon ng umaga.
Sinasabing kumulapso ang National University-Nazareth School Lady Bullpups center habang nasa kalagitnaan ng kanilang training.
Sinubukan siyang isalba ng school medical team para isugod sa ospital, ngunit binawian din siya ng buhay.
“Ashlyn passed away during training—doing what she loved most. At just 18 years old, she had already shown the heart, spirit, and strength of a true champion. Her dedication, humility, and bright presence inspired everyone around her,” ani Gilas Pilipinas Girls head coach Julie Amos sa kanyang Facebook post.
Naglaro ang 5-foot-11 na si Abong para sa Lady Bullpups na sumegunda sa UAAP Season 87 matapos matalo sa UST sa finals.
“We are stunned and heartbroken by the sudden passing of Ashlyn Abong. We lost a young and committed athlete who always said yes to representing the country,” pahayag ng Samahang Basketbol ng Pilipinas (SBP).
Nakatakdang sumabak ang Gilas Girls squad sa William Jones Cup sa Taiwan at sa FIBA Women’s Asia Cup sa China.