Pilipino Star Ngayon
October 31, 2025 | 12:00am
MINNEAPOLIS — Isinalpak ni Austin Reaves ang isang 12-foot jumper bago tumunog ang final buzzer para tumapos na may 28 points sa 116-115 pagtakas ng Los Angeles Lakers sa Minnesota Timberwolves.
Pinantayan din ni Reaves ang kanyang career high 16 assists para sa Lakers (3-2) na nakahugot kay Jake LaRavia ng 27 points.
Humakot si DeAndre Ayton ng 17 points at 10 rebounds, habang hindi naglaro sina injured stars Luka Doncic at LeBron James.
Pinamunuan ni Julius Randle ang Timberwolves sa kanyang 33 points para saluhin ang naiwang trabaho ni injured Anthony Edwards.
Nagtayo ang Los Angeles ng isang 20-point lead sa dulo ng third quarter at angat pa sa 112-101 matapos ang 3-pointer ni Reaves sa huling 4:01 minuto ng fourth period.
Ipinasok ni Randle ang isang go-ahead finger roll sa natitirang 10.2 segundo para idikit ang Minnesota sa 115-116.
Sa Phoenix, swak ang go-ahead 11-foot jumper ni Ja Morant sa huling 7.6 segundo sa 114-113 pag-eskapo ng Memphis Grizzlies (3-2) sa Suns (1-4).
Ang dunk ni Mark Williams sa huling 51.4 segundo ang nagbigay sa Phoenix ng 113-112 abante kasunod ang game-winning jumper ni Morant para sa Memphis.
Sa iba pang laro, panalo ang Denver Nuggets sa New Orleans Pelicans, 122-88; binigo ng Detroit Pistons ang Orlando Magic, 135-116; wagi ang Atlanta Hawks sa Brooklyn Nets, 117-112; at lusot ang Portland Trail Blazers sa Utah Jazz, 136-134.