Takahashi, Lucarelli at Mozic sasabak sa world meet


Chris Co — Pilipino Star Ngayon

August 30, 2025 | 12:00am

MANILA, Philippines —  Inaasahang durumugin ang venue sa pagdating ng mga popular na pla­yers kabilang na sina Ran Takahashi ng Japan at Lucarelli ng Brazil na hahataw sa FIVB Men’s Volleyball World Championship sa susunod na buwan sa Smart Araneta Coliseum at Mall of Asia Arena.

Tunay na crowd favo­rite ang Japan sa tuwing mag­lalaro ito sa Pilipinas gaya noong nakaraang ta­on sa Volleyball Nations League.

At isa sa tinututukan ng mga fans si Takahashi na bahagi ng World No. 5 Japanese squad.

“We can’t wait to welcome volleyball fans from all over the world. Tickets now on sale! See you at the venues!” ani Takahashi.

“The top volleyball pla­yers are coming to the Phi­lippines for the World Championship. Please be at the Arena. I’m loo­king forward to seeing you there,” aniya.

Aarangkada rin ang Alas Pilipinas na masisila­yan sa kauna-unahang pagkakataon sa elite world event.

Makakalaban ng Alas ang Tunisia sa opening day sa Setyembre 12 matapos ang opening ceremony tampok ang K-Pop group BOYNEXTDOOR.

Makakasama ng Alas Pilipinas at Tunisia sa Pool A ang Egypt at Iran.

Handa na si Iranian outside hitter Poriya Hossein Khanzadeh para pamu­nuan ang kanilang tropa sa event na inorganisa ng  Philippine National Volleyball Federation sa pangu­nguna ni PNVF president Ramon “Tats” Suzara na siya ring president ng Asian Volleyball Confederation.

“I’m so happy because we’re gonna go in the Philippines for the World Championship. See you soon!” ani Takahashi.

Lalaro ang Japan sa September 13 laban sa Turkiye sa Pool G.

Kasama ng Japan at Turkiye ang Canada at Libya.

Umaasa naman si Lu­ca­relli na makukuha ng Bra­zilian squad ang korona sa edisyong ito.

“Philippines, get ready! The world’s biggest volleyball stage is coming soon. Feel the passion, feel the action and the pride in the historic moment in volleyball. Mark your calendar for September 12 to 28!” wika ni Lucarelli.

Mangunguna naman sa Slovenia si Rok Mozic na mayrong fan base.

“I would like to invite you to buy the tickets for the Men’s Volleyball World Championship. It will be in September in the Philip­pines. See you there,” aniya.