August 21, 2025 | 12:00am
MANILA, Philippines — Nagulantang ang buong komunidad ng University of the Philippines (UP) matapos mamatay ang bagong Nigerian recruit nitong si Israel Friday.
Kinumpirma ng pamunuan ng UP ang pagpanaw ni Friday kahapon.
Sa statement ng UP, nag-collapse ang 19-anyos Nigerian cager habang nagsasanay ang UP men’s basketball team.
“The University of the Philippines is heartbroken to confirm that one of the newest recruits of its men’s basketball team (MBT), Israel Osamudiame Friday from Abuja, Nigeria, collapsed during practice last Tuesday,” ayon sa post ng UP Office of Athletics and Sports Development sa kanilang social media account.
Mabilis na itinakbo si Friday sa ospital subalit hindi na ito naisalba pa ng mga doktor.
“He was immediately brought to a nearby hospital where, despite the efforts of medical personnel, he passed away,” ayon pa sa post.
Nakatakda sanang magdiwang ng ika-20 kaarawan si Friday sa Setyembre 6.
Malaking tulong sana si Friday sa kampanya ng Fighting Maroons sa UAAP men’s basketball tournament.
Galing ito sa Centro Escolar University (CEU) at naglaro para sa naturang team sa University and Colleges Athletic League.
Nakikipag-ugnayan na ang pamunuan ng UP sa pamilya ni Friday.