MANILA, Philippines — Kumapit sa pang-limang puwesto sa team standings ang Arellano University matapos pagpagin ang San Sebastian College-Recoletos, 31-29, 25-12, 25-18, sa NCAA Season 100 women’s volleyball tournament kahapon sa UPHSD Gym.
Bumida sa opensa ng Lady Chiefs si Laika Tudlasan na nagtala ng 17 points mula sa 15 attacks, isang block at isang service para ilista ang 5-3 baraha kagaya ng Lady Stags.
Maliban kay Tudlasan, uminit din ang opensa nina Marianne Lei Angelique Padillon at Pauline De Guzman upang madali nilang tuhugin ang panalo at tapusin ang laro sa loob ng isang oras at 12 minuto.
Kumana si Padillon ng 12 points at tumipa si De Guzman ng 11 markers para sa Arellano.
Namuno sa San Sebastian sina Katherine Santos at Christine Marasigan na naglista ng tig-siyam na puntos.
Samantala, tinalo ng Lyceum Lady Pirates ang San Beda Lady Red Spikers, 25-23, 25-14, 21-25, 25-20.