August 22, 2025 | 12:00am
MANILA, Philippines — Napilitang umatras ang Japanese guest team Kurashiki Ablaze sa paglahok sa 2025 Premier Volleyball League (PVL) Invitational Conference na humataw kahapon sa PhilSports Arena sa Pasig City.
Ito ay dahilan sa problema sa kanilang head coach na si Hideo Suzuki.
Dahil dito ay tinapik ng PVL ang Farm Fresh, ang fifth-placed team sa 2025 PVL on Tour, para makumpleto ang six-team lineup ng two-week tournament.
Ngunit ang ZUS Coffee ang piniling isabak ni Farm Fresh team owner Frank Lao imbes na ang Foxies na kulang sa full training roster.
Tumapos ang Thunderbelles sa sixth place ng PVL on Tour na pinagreynahan ang PLDT High Speed Hitters kontra sa Chery Tiggo Crossovers.
“We regret to inform you that we received a notice from the Japan Volleyball League indicating that our head coach, Hideo Suzuki, may have committed a serious compliance violation,” ani Daisuke Watanabe, ang Representative Director ng Ablaze Co. Ltd. sa isang official statement. “In response to this notification, our team has decided to immediately commence an internal investigation and suspend all activities until the details of the incident are fully clarified.”
Nagreyna ang Kurashiki noong 2023 PVL Invitationals.