Pilipino Star Ngayon
September 18, 2025 | 12:00am
MANILA, Philippines — Babanderahan nina John Abis at Patrick Sleat ang 18-man roster ng University of Perpetual Help System DALTA para sa NCAA Season 101 men’s basketball tournament na didribol sa Oktubre 1 sa Araneta Coliseum sa Cubao, Quezon City.
Makakasama nina Abis at Sleat sa kampanya ng Altas sina John Paul Boral at Jerico Nuñez, Shawn Orgo, Angelo Gelsano at sophomores Mark Derick Gojo Cruz, Emman Pizarro.
Maglalaro sa kanilang huling taon sina Abis, Boral at Nuñez.
“Nasa intensive training, conditioning at familiarized set plays kami bilang paghahanda para sa Season 101,” wika ni coach Olsen Racela.
Inilista rin ni Racela sa Perpetual official lineup sina Kevin Guibao mula sa FEU, LA Casinillo mula sa NU, JM Talabut, Josh Alcantara at Allen Maglupay mula sa UE at magkapatid na Kenji Duremdes at Kylle Magdangal mula sa UST.
Kasama rin sa tropa sina 6’7 rookie Aries Borja, JD Pagulayan, Jan Roluna mula sa defending champion Junior Altas.
Inilagay naman ni Racela sa Team B sina Jericho Cristino, Kelsey Baldoria at TJ Tabbuan.
Unang makakatapat ng Las Piñas team ni team manager Anton Tamayo ang San Sebastian Stags sa Oktubre 3 sa FilOil Arena sa San Juan City.
Sinusuportahan din ang Altas ng mga sponsor na F2 Logistics at World Balance apparels.