Bucks inilusot ni Giannis sa Pacers

Pilipino Star Ngayon

November 5, 2025 | 12:00am

INDIANAPOLIS — Isi­nalpak ni Giannis Anteto­kounmpo ang isang 17-foot buzzer-beating jumper para ilusot ang Milwaukee Bucks sa Indiana Pacers, 117-115.

Nagkadena si Anteto­kounmpo ng 33 points, 13 re­bounds at 5 assists para sa Bucks (5-2).

Nagdagdag si Kyle Kuz­ma ng 15 points, habang tumipa si dating Pa­cers center Myles Turner ng 9 points, 7 rebounds at 5 blocks.

Pinamunuan ni Pascal Siakam ang Indiana (1-6) sa kanyang 32 points at humakot si Isaiah Jackson ng 21 points at 10 rebounds.

Bumangon ang Pa­cers mula sa isang 11-point deficit sa 6:08 para tumabla sa 115-115 mula sa layup ni Aaron Nesmith sa huling 14.6 segundo ng fourth quar­ter.

Matapos ang timeout ng Milwaukee ay kinuha ni Antetokounmpo ang in­bound pass at ipinasok ang game-winning jumper.

Sa iba pang laro, pina­dapa ng Denver Nuggets ang Sacramento Kings, 130-124; pinaglaruan ng Los Angeles Lakers ang Portland Trail Blazers, 123-115; tinalo ng Houston Rockets ang Dallas Mavericks, 110-102; panalo ang New York Knicks sa Washington Wi­zards, 119-102; at nilusutan ng Utah Jazz ang Boston Celtics, 105-103.