November 18, 2025 | 12:00am
MANILA, Philippines — Todo sa paghahanda ang mga siklista ng Nampicuan, Nueva Ecija para sa Larga Pilipinas na papadyak sa Nobyembre 29 hanggang 30.
Maliban sa libreng padyakan para sa mga siklista na sasabak sa 13 categories ay mabibigyan ng ilang units ang Yamaha PG-1 sa masuwerteng kalahok sa two-day, two-stage races.
Magkakaskasan sa Stage 1 ang mga pros sa 136-kilometer na Nampicuan-to-Nampicuan route at dadaan sa mga kalsada ng Tarlac at Pangasinan bago bumalik sa starting point sa Nobyembre 29.
Aarangkada ang Stage 2 kinabukasan kung saan ay magtatagisan ang mga siklista ng bilis mula Nampicuan hanggang Sitio Baag Highlands sa San Jose, Tarlac.
Ang padyakan sa People’s Race Stage 1 ay ang 106-km Nampicuan to Nampicuan via Tarlac at ang Stage 2 sa parehong ruta ng pro/elite.