Sa edad na tatlumpu’t isang taong gulang ay sumasagi na sa isipan ni David Licauco ang pag-aasawa sa mga susunod na taon. “Yeah, siguro 3, 4 years from now siguro. I mean, ‘yon ang ideal. Siyempre by then 34 na ako. Alangan namang wala pa,” nakangiting pagtatapat ni David sa 24 Oras.
Mayroon na nga bang nagpapatibok sa puso ng aktor ngayon? “Hindi ko sure. Sometimes kasi ako, private. Sometimes you learn, sometimes we say, sometimes we learn. This time I have learned. It’s not to say na meron ako. Parang gusto ko na let people know,” makahulugang pahayag ng binata.
Kamakailan ay naka-bonding ni David ang kaibigang si Dustin Yu. Sumikat nang husto si Dustin dahil sa pagiging Pinoy Big Brother Housemate nito. Mayroong payo si David kay Dustin ngayong nakalabas na mula sa bahay ni Kuya. “Ang advice ko lang sa kanya, nag-usap kami sa phone. Sabi ko sa kanya, ‘Huwag mo nang isipin ‘yung mga haters.’ At this point kasi nandiyan na ‘yan eh. Parang control what you can control. I feel like kailangan niyang gawin ‘yung mga ginagawa niya dati. Kung sino siya, kailangan niyang balikan ‘yon,” makahulugang pahayag ng nakilalang Pambansang Ginoo.
Katrina, ayaw lumaki ang anak na mahiyain
Hindi naging madali para kay Katrina Halili ang pagiging single mom. Labindalawang taong gulang na ngayon ang anak ng aktres at singer na si Kris Lawrence. Madalas na nakikita sa social media ang mga ginagawa sa araw-araw ng mag-ina. Bata pa lamang nang ma-diagnose na mayroong Autism Spectrum Disorder o ASD si Katie. Mula noon ay nagte-therapy na ang anak nina Katrina at Kris. “Swerte ako kay Katie. Akala nila ganyan lang si Katie, marami rin pong paghihirap. Ngayon lang talaga halos okay na okay, pati kausap. Dati ‘pag meron siyang gusto na hindi mo binigay, dati nagwawala siya,” emosyonal na pahayag ni Katrina sa YouTube channel ni Ivana Alawi.
Ayon sa aktres ay may panahong hindi na siya pumirma ng kontrata sa GMA Network. Kinailangang limitahan ni Katrina ang mga ginagawang proyekto upang mas maalagaan pa ang anak. Bumalik muna ang aktres noon sa pamilyang nasa Palawan. “Hindi naman totally nag-stop. Hindi ako nag-sign ng contract sa GMA for three years. Pero tumatanggap ako ng show. Kaya hindi ako nag-sign para pwede akong mag-say no kapag sinabi kong no. ‘Yung contract kasi kapag dire-diretso hindi pwede. ‘Pag nag-no ka, babawasan ka,” paliwanag ng Kapuso actress.
Kinagigiliwan ng netizens ang video blogs nina Katrina at Katie. Kapansin-pansin ang pagiging sweet ng bata sa aktres. “Ako kasi hindi ako sweet sa mama ko. Tapos gusto ko man maging sweet, hindi kasi ako lumaking sweet kaya nahihiya ako. Ayokong lumaki ‘yung anak ko na kagaya ko na nahihiyang magpakita ng affection. Gusto ko ‘wag siyang mahihiya. Gusto ko ako ‘yung love niya,” pagbabahagi ng aktres. — Reports from JCC