MANILA, Philippines — Isang veteran point guard ang idinagdag ng Rain or Shine sa kanilang backcourt para sa darating na Season 50 ng Philippine Basketball Association (PBA).
Pumirma ang 38-anyos na si Stanley Pringle ng isang two-year contract para sa Elasto Painters at makakasama sina Adrian Nocom, Andrei Caracut at Anton Asistio sa guard rotation.
“We’re excited to announce that the former No. 1 overall pick in 2014 and 4-time PBA Champion is joining the Rain or Shine Elasto Painters after signing a two-year deal as a free agent,” pahayag ng Rain or Shine sa kanilang social media pages.
“With his talent and championship experience, he will be a valuable addition to the team as we chase greater heights in Season 50. Let’s get to work, Stanley!”
Sibak ang Elasto Painters sa TNT Tropang 5G, 4-2, sa kanilang best-of-seven semifinals series sa Season 49 Philippine Cup.
Naging isang unrestricted free agent si Pringle matapos mapatalsik ang Terrafirma.
Tumipa ang 2014 top overall pick ng mga averages na 13.2 points, 3.8 rebounds at 3.0 assists para sa nakaraang kampanya ng Dyip.