October 1, 2025 | 12:00am
Simula bukas ay mapapanood na sa Netflix ang Out of Order na pinagbibidahan nina Alden Richards, Nonie Buencamino at Heaven Peralejo. Ito ang kauna-unahang pelikula na nagawa ni Alden bilang isang direktor.
Para sa Kapuso actor ay kakaibang karanasan na pagsabayin ang pagiging aktor at direktor sa isang proyekto. “Mahirap siya, I think the most challenging part of being a director is making your actors believe in you. Since this is my debut as a director, binuhat nila ako lahat. Nagbuhatan kami lahat dito sa pelikula. I read the script five times. ‘Di ako makatulog sa gabi. Everyone looks to you in terms of command. I told myself parang, ‘Dapat hindi mo masyadong ginagawang mental lahat, just go with it,’” bungad ni Alden sa 24 Oras.
Bilang paghahanda bago gawin ang pelikula ay kinailangan pa umanong magkaroon ng immersion ng kampo ng actor at direktor sa mismong loob ng korte.
“Nag-immerse kami. I went to the Q.C. Hall of Justice to sit down, actually see litigations happening every day for one week. And then we got lawyers na writer, lawyers by profession pero nagsusulat,” pagbabahagi ng binata.
Naging mabusisi sa lahat ng detalye ng naturang pelikula si Alden bilang isang baguhang direktor. Nagkaroon ng bagong perspektibo sa propesyon ang Kapuso actor dahil sa kanyang naranasan sa shooting.
“Super, ultimo sa smallest detail ng art, ng production design, hindi naka-tilt nang maayos ‘yung tasa, may blind statue na may hawak na weighing scale, hindi pantay ‘yung weighing scale,” pagdedetalye niya.
Mayroong tema ng korapsyon at social injustice ang bagong Netflix movie ni Alden. Para sa binata ay napapanahon ngayon ang kanilang proyekto dahil sa isyung kinakaharap ng bansa ukol sa korapsyon.
“Especially right now with what’s happening. I think films has to be socially-relevant. Of course, that’s one. More over that, I wanted to create films that will be appreciated by people who watched it, like across all markets and across all ages. Hindi lang tayo laging nako-confine sa rom-com, sa horror, sa drama. The production world is like a vast of concepts and opportunities. Ang saya lang na ngayon kahit paano, open-minded na rin ang mga Filipino. They are very much willing to consume contents na hindi na doon sa stereotype,” giit ng Asia’s Multimedia Star.
Sinisiguro ni Alden na kapupulutan ng aral ng mga manonood ang Out Of Order. Para sa aktor at direktor ay kinakailangan lamang na lumaban at manindigan ng bawat tao upang makamit ang katarungan o hustisya.
“The battle for justice is every day. Injustice is very dominant in our society, hindi lang sa Pilipinas. Unfair treatment, people in power are abusing their position. I’m just so frustrated with what’s happening. Niloloko tayo ng people in power. I’m brave enough to say that because it’s very evident. Hindi ako magtatanga-tangahan sa nakikita ko. That’s my favorite quote lately for this movie. Justice is not blind, it’s being blinded. Binubulag ang hustisya para sa mga tao. With this film, I hope that it would be a reminder that with courage and as long as we’re fighting for the good of all our fellowmen, we can never go wrong when we fight for justice and the truth,” makahulugang paliwanag ng Kapuso actor. — Reports from JCC