August 24, 2025 | 12:00am
Mapapanood na rin si David Licauco sa Beauty Empire na pinagbibidahan nina Barbie Forteza at Kyline Alcantara. Ayon kay Barbie ay talagang kaabang-abang at kakikiligan ng mga tagahanga ng tambalan nila ng Pambansang Ginoo ang mga eksena nila sa serye.
“Baka this week na po lumabas ang role ni David as Javier sa Beauty Empire, very soon. Opo, mapapanood n’yo na po ulit ang BarDa,” nakangiting pahayag ni Barbie sa 24 Oras.
Masayang-masaya naman si David dahil muli silang nagkatrabaho ni Barbie. Matatandaang sa Pulang Araw pa noong isang taon huling nagkatambal ang dalawa.
“Happy dahil nakapag-acting na ako. And sabi ko nga kay Barbie, na-miss ko siyang katrabaho. Especially sa larangan ng acting dahil the last few months what we have been doing was shoots (ng mga endorsement), not ‘yung acting talaga. So I was really happy,” paglalahad ni David.
Abala man sa kabi-kabilang trabaho ay sinisikap naman ng tambalang BarDa na magawa ang mga bagay na nakapagpapasaya sa kanila. Kahapon ay muling sumabak si David sa pagiging isang basketbolista. “I’ve been playing basketball sa FIBA Light Quest. Something na matagal ko nang pangarap. Now that I’m getting to play, especially playing with players na professional and international, di ba? Kakayanin for the love of the game,” pagbabahagi ng aktor.
Kapag walang trabaho ay ang pagtakbo ang nakakahiligang gawin ni Barbie. “Kasi marami pa ring work. May mga brand shoots pa din. Balik-takbo na lang muna, ‘yon na lang muna,” pagtatapos ng dalaga.
Robi, loyal
Kamakailan ay muling pumirma ng kontrata si Robi Domingo sa ABS-CBN. Labimpitong taon nang aktibo ang TV host sa Kapamilya network ngayon. Matatandaang unang nakilala si Robi bilang housemate ng Pinoy Big Brother Teen Edition Plus noong 2008. “Loyalty is one of the things that I value. Not just in my line of work but also personal. Especially when I got married. To me, all the more reason that you have become loyal is because you believe in the values of what you’re part of. To stay with ABS-CBN is one thing but to believe in its core and its commitment to be in the service of the Filipino is another,” makahulugang pahayag ni Robi.
Ayon kay Robi ay talagang nakikita at nararamdaman din niya ang pagmamahal sa trabaho at kumpanya ng maraming kapwa-Kapamilya stars. — Reports from JCC