Pilipino Star Ngayon
November 18, 2025 | 12:00am
MANILA, Philippines — Dalawang major international tournaments na pamamahalaan ng bansa ang tatalakayin sa Philippine Sportswriters Association Forum ngayon sa conference hall ng Rizal Memorial Sports Complex.
Makakasama ni Philippine Football Federation President John Gutierrez si Gymnastics Association of the Philippines President Cynthia Carrion sa pang alas-10:30 ng umagang public sports program.
Ilalatag ni Gutierrez ang FIFA Futsal Women’s World Cup na sisipa sa Nobyembre 21 sa Philsports Arena sa Pasig City.
Ang World Junior Gymnastics Championships naman sa Nobyembre 20 sa Manila Marriott Hotel Grand Ballroom ang tatalakayin ni Carrion.
Makakasama rin si Pinoyliga Cup Tournament Director Benny Benitez para sa Pinoylia Alumni Cup sa Forum na inihahandog ng San Miguel Corp., Philippine Sports Commission, Philippine Olympic Committee, MILO at 24/7 sports app ArenaPlus.