September 12, 2025 | 12:00am
Magiging guest si Rhian Ramos sa That’s Amore, A Night At The Movies na gaganapin sa Nobyembre 9, 2025 sa Aliw Theatre, Pasay City.
Ito na ang ika-third year ng RMA Studio Academy sa ganitong konsepto.
Bahagi ng kikitain sa concert ay ido-donate sa Autism Society of the Philippines (ASP).
At kabilang din sa performers ng That’s Amore, A Night At The Movies sina Zia Dantes, Tali Sotto, at Scarlet Snow Belo.
Pero wala sila sa ginanap na media launching nito the other day.
Sayang, tiyak na dudumugin ang mga sikat na bata – si Zia ay panganay nina Dingdong Dantes and Marian Rivera, si Tali ay eldest din nina Vic Sotto and Pauleen Luna habang si Scarlet ay only daughter nina Docs Hayden Kho and Vicki Belo.
Pero present naman si Rhian kaya natanong siya kung may reaction siya sa nagaganap na kaguluhan sa flood control projects na naglalabasan na ang mga ‘resibo’ kumbaga.
Apektado ba siya sa mga naglabasan na limpak-limpak na pera ng mga contractor?
“I am very emotionally affected because nakakagalit talaga lahat ng nangyayari. I’ve always had this; this is also why I was very hesitant ‘yung tatakbo si Sam (Verzosa), because I grew up in the Philippines, where being in the government is almost synonymous with…,” pahayag ng actress na hindi binanggit ang salitang corruption.
“I’ve been hearing the word “corruption” since I was a toddler. So, I think it’s a good thing that all of this is coming out. Hopefully, in our next round of elections, sana, the people that come into this position na may masamang intention mas mahihirapan na sila gawin ‘yung balak nila,” komento ng actress.
Ilang beses inamin ng karelasyon niyang si Sam Verzosa na natalong mayor ng Manila, na ayaw na ayaw ni Rhian ng pulitika.
Going back to That’s Amore, A Night At The Movies, mapapanood din sa nasabing concert si Jose Mari Chan at ang iba pang celebrity students ng RMA aside from Rhian, sina Vivoree Esclito, Michelle Dee, Maymay Entrata, at Ina Raymundo.
Ganundin sina Pepe Herrera, Renzo Jaworski, Amari Sotto, Jema Galanza Imogen, Rain Celmar, at John Arcenas.
Ang artistic director at vocal coach na si Jade Riccio ang nagha-handle nito para sa RMA Studio Academy.