Krogg, Corbadora bumida sa Elite

MANILA, Philippines — Dinomina nina Mathilda Krogg at Edson Corbado­ra ang Elite categories sa PhilyCyling Tagaytay City Cri­terium 2025 kahapon.

Solong pumadyak si Krogg ng Standard Insu­rance sa finish line para sa gold medal kasunod ang kanyang teammate na si Jel­sie Sabado at national champion Jermyn Prado na kumuha sa silver at bronze, ayon sa pagkaka­sunod.

Kinumpleto nina Kate Yasmin Aquino at Marianne Dacumos ang top five ng three-day circuit race na ipi­nagdiwang ang paglulun­sad sa bagong tayong Ta­gaytay City Velodrome.

Personal na ibinigay ni Philippine Olympic Committee (POC) president Abraham “Bambol” Tolenti­no, pangulo rin ng PhilCycling at Mayor ng Tagaytay City, ang mga medalya at cash prizes sa mga podium finishers ng event na naglatag din ng Masters, Youth, Junior at Under-23 categories.

“Cycling will be very much alive especially with the new Tagaytay City Velodrome,” ani Tolentino sa harap ng 250-meter indoor wood at International Cycling Union track facility.

Samantala, inungusan ni Corbadora ng Victori Pro Cycling sina Excellent Noodles rider Ryan Tugawin at Victoria teammate Marcelo Felipe para sa gold medal.