September 6, 2025 | 12:00am
Galit si First Lady Liza Marcos sa ginawa ng contractor sa bubuksang Philippine Film Heritage Building.
Aniya sa isang post, halagang P200 million ang nasabing building pero hindi pa nabubuksan ay may mga tulo na ang bubong, ang wall ay may crack, may tubig ang kisame at iba pa.
“This is the so-called NEWLY BUILT Philippine Film Heritage Building – a P200 MILLION (money emoji) project that was supposed to honor our filmmakers, writers and artists and serve as the permanent home for Philippine cinema
“Instead, what did we get? Leaking roofs (leak), cracked walls (walls emoji), unfinished theaters, ceilings already stained with water – all in a building hasn’t even opened.
“Seriously?! MAHIYA NAMAN KAYO! Pati ito, ninakawan niyo ng dignidad.
“Our artists deserve respect – not this rotten monument of incompetence,” buong post ng misis ni President Bongbong Marcos kalakip ang mga snap ng palpak na building nang puntahan niya.
Gamit niya pa ang mga hashtag na #SumbongSaPangulo, #DPWH, #Palpak, #Substandard, #Delayed, #ProtectFilmIndustry, #CorruptionKillsDreams, #SamaSamaTayongBabangonMuli, #BagongPilipinas.
Nauna nang ibinulgar ng Malacañang ang hindi natapos na Philippine Film Heritage building kaya’t posible raw bang sampahan ng kaso ang contractor nito.
“If they don’t have a valid reason why they didn’t turn it over correctly and according to the contract, they can be sued, first of all, civil liability, there is that,” sabi ni Presidential Communications Office Undersecretary Claire Castro sa mga kausap na reporter.
Last Sept. 4 daw pala dapat ang target na petsa ng completion ng proyekto.
Iginawad sa Great Pacific Builders at Gen Contractor Inc., isa sa mga kumpanyang pag-aari ng pamilya Discaya ang paggawa nito.